Goberno e equipo

A dirección e administración da asociación serán exercidas polo/a Presidente/a, a Xunta Directiva e a Asemblea Xeral. A Xunta Directiva, específicamente, terá, entre outras, as seguintes atribucións:

1. Programar e dirixir as actividades asociativas. Propoñendo o plan de actuación da asociación á Asemblea Xeral para a súa aprobación, impulsando e dirixindo o mesmo.
2. Levar a xestión administrativa e económica da asociación. Sometendo á aprobación da Asemblea Xeral o orzamento anual, así como o estado de contas.
3. Designar as comisións de traballo ou seccións que se consideren oportunas para o adecuado funcionamento da asociación.
4. Ditar normas interiores de organización e resolver sobre as solicitudes de ingreso de novos asociados.

A asociación será xestionada por esta área baixo a direccion administrativa – financeira do xerente que, asemade, executará os acordos da Xunta Directiva e a actuará conforme a criterios de eficiencia e profesionalidade. Baixo a súa dependencia xerárquica ordéase o persoal, sendo responsable da organización do traballo.

Ademais será o equipo encargado do desenvolvemento técnico de todos os servizos e actividades da Asociación, baixo a direccion e control da xerencia, sempre coa adecuación destes aos fins asociativos e do impulso, en xeral, da asociación.

A Comisión de Sustentabilidade da Agrupación industrial Alimentaria de Galicia é un órgano interno de carácter informativo e consultivo que se crea para impulsar a sustentabilidade ambiental e a economía circular, tal e como se recolle o eixo dous do plan estratéxico actual.

A esta Comisión correspóndenlle as seguintes funcións:

• Organizar actividades de información e formación para os socios de Clusaga en todas aquelas cuestións relacionadas coa sustentabilidade ambiental e a economía circular.

• Apoiar a posta en marcha de proxectos colaborativos destinados a mellorar a sustentabilidade ambiental e a adaptación a unha economía circular.

• Divulgar boas prácticas dos socios da Agrupación industrial nestas áreas.

A Comisión de Innovación é un órgano de goberno, encargado de establecer as prioridades do Clúster Alimentario de Galicia no eido da innovación, sendo o responsable de supervisar, dirixir e definir as prioridades dos grupos de traballo creados. Tamén é un foro compartido de reflexión sobre prioridades en innovación e de debate sobre o plan estratéxico e as liñas de actuación do Clusaga neste eido.

A esta Comisión correspóndenlle as seguintes funcións:

• Definir as prioridades temáticas en I+D+i para o Clúster Alimentario de Galicia
• Crear e organizar grupos de traballo nos cales se fomente a colaboración en I+D+i entre os socios do Clúster e, en xeral, dentro do sistema galego de innovación
• Analizar e orientar a estratexia do Clúster Alimentario de Galicia no ámbito da innovación

A Comisión de Mercados e Internacionalización é un órgano de goberno, que se ocupa de establecer as prioridades do Clúster Alimentario de Galicia no eido da mercadotecnia. O propósito da comisión é aprobar os plans de actuación relacionados cos mercados e a internacionalización, así coma analizar as tendencias do mercado e asesorar sobre a estratexia de actuación e as áreas prioritarias.

Asemade é responsable de:

• Supervisar, dirixir e definir as prioridades dos grupos de traballo a constituir.
• Organizar actividades de información e de traballo en rede para os socios do Clusaga nas temáticas relacionadas coa mercadotecnia.
• Apoiar a posta en marcha de proxectos colaborativos destinados a facilitar o acceso aos mercados.