Clusaga asiste a unha misión en Brasil para coñecer as súas oportunidades de negocio e establecer relacións comerciais
Do 4 ao 8 de novembro, o Clúster Alimentario de Galicia (Clusaga) organizou unha misión comercial directa a Brasil no marco do proxecto europeo New Frontiers in Food (NF4) co obxectivo de coñecer as súas oportunidades de negocio e establecer relacións comerciais.
A delegación desta misión incluía sete pemes europeas, entre as que se atopaban as nosas empresas socias Kiwi Atlántico, Alasature e Vinigalicia, e catro agrupacións industriais.
Durante a misión, a delegación puido realizar diferentes accións, tales como:
- Visitas ao supermercado Pão de Açúcar para coñecer as tendencias e gustos do consumidor brasileiro
- Asistencia a diferentes centros de investigación e innovación do país. Concretamente, puideron coñecer FoodTech Hub, Instituto de Tecnoloxía de Alimentos (ITAL), AgTech Garage, Paraná State Federation of Industries (FIEP) e Instituto de Tecnoloxía do Paraná (Tecpar)
- Eventos de networking
- Reunións B2B con potenciais clientes nas cidades de São Paulo, Curitiba e Paraná
En cada unha das diferentes actividades, as empresas participantes puideron obter información de gran interese sobre o mercado brasileiro co obxectivo de establecer nel relacións comerciais.
Máis info
