Clusaga prepara a súa candidatura ao PERTE agroalimentario a través dun proxecto tractor do sector lácteo que conta co apoio da Xunta

• Este proxecto tractor, presentado onte en Santiago de Compostela, conta coa colaboración de Medrar Smart Solutions para a súa dinamización

• O acto de presentación congregou a representantes de Igape e Agacal, así como das industrias involucradas na proposta e de AGACA

O Clúster Alimentario de Galicia (Clusaga) presentou onte en Santiago de Compostela unha nova iniciativa promovida no marco da Oficina Técnica Next Generation Galicia Food. Trátase dun Proxecto Tractor que se presentará no marco do PERTE da cadea agroalimentaria intelixente e sustentable, enfocado cara a mellora competitiva do sector lácteo galego. Para dinamizar esta iniciativa tractora, Clusaga conta coa colaboración de Medrar Smart Solutions e o respaldo da Xunta de Galicia, segundo manifestaron durante o acto de presentación do proxecto representantes do Instituto Galego de Promoción Económica (Igape).

Durante o evento, Roberto Alonso, director de Clusaga, quixo destacar “a importancia desta oportunidade para promover a competitividade do sector lácteo,  tan relevante en Galicia, a través da transformación dixital e a sustentabilidade”. Pola súa banda, José Luis Cabarcos, director da Axencia Galega de Calidade Alimentaria (Agacal), destacou “a importancia do sector lácteo e a súa competitividad”, mentres que Santiago Álvarez, subdirector de Proxectos Tractores do Igape, reforzou a mensaxe da oportunidade do PERTE Agroalimentario para “posicionar a Galicia coma unha rexión innovadora a través da industria” e, por isto, o respaldo da Xunta de Galicia a esta iniciativa, que concurrirá á convocatoria estatal.

Este encontro contou tamén coa participación de representantes das industrias involucradas na proposta, así como da Asociación Galega de Cooperativas Agroalimentarias (AGACA), que mostraron o seu interese e compromiso en participar neste proxecto tractor que pretende transformar o tecido industrial e o sector lácteo de Galicia.

Oficina Tecnica Next Generation Galicia Food

Este proxecto catalizouse a través da Oficina Técnica Next Generation Galicia Food, posta en marcha por Clusaga e a Xunta de Galicia a finais do ano 2021. Esta Oficina Técnica ten o obxectivo de impulsar a recuperación e a transformación do sector de alimentación e bebidas de Galicia a través da movilización de proxectos no marco do Plan de Recuperación, Transformación e Resiliencia (PRTR) vinculado aos fondos Next Generation (NGEU).

A Oficina de Next Generation Galicia Food permite que Clusaga ofreza un valor engadido aos seus socios, ao acompañalos na identificación, posicionamento e presentación de  proxectos ás convocatorias de NGEU. De feito, no mes de novembro obtívose a resolución favorable para cinco proxectos no marco da convocatoria NGEU e da convocatoria de Agrupacións Empresariais Innovadoras (AEI) do Ministerio de Industria, Comercio e Turismo (MINCOTUR), movilizando máis de un millón de euros e contando con 28 socios empresariais e tecolóxicos.

O proxecto lácteo galego

Segundo sinalou Xose Ramón Vázquez, responsable do Programa Next Generation Galicia Food en Clusaga, conseguiuse unha “candidatura sólida” para o PERTE, con proxectos que poderían alcanzar unha inversión superior aos 25 millóns de euros. “Esto suporía un salto cualitativo na competitividade do sector lácteo galego”, sinalou, apuntando tamén que a iniciativa “abarcará accións que suporán melloras notables en toda a cadea de valor da industria láctea, pasando pola optimización de rutas, a eficiencia enerxética, a sustetabilidade da produción, loxística y desenvolvemento de produtos sustentables, entre outras liñas de actuación”.

Desta forma consolidarase a competitividade dun sector cunha elevada taxa de impacto socioeconómico, logrando ademais alcanzar unha verdadeira cohesión social e territorial con especial impacto no rural.

Hugo Criado, CEO de Medrar Smart Solutions, referiuse a este proxecto como “unha oportunidade histórica para o sector”, ao permitir acometer accións de innovación e sustentabilidade que permitirán revolucionar a forma de traballar da produción primaria e as empresas de transformación, reforzando así a súa competitividade.

Na actualidade, o proxecto conta coa participación das principais empresas lácteas con actividade principal en Galicia. Sen embargo, está  aberto á participación dun maior número de empresas, tanto do sector lácteo galego como doutras comunidades, dado que o obxectivo dos impulsores é lograr máis membros antes da presentación formal do proxecto dirixido ao MINCOTUR, dentro do marco do PRTR. Neste sentido, as empresas poden participar con distintos graos de integración, contemplando a realización de inversións con elevado impacto na sustentabilidade da produción, proxectos de I+D individuais e conxuntos nos seus tres principais eixos, sempre mantendo a confidencialidade das súas actuacións individuais de inversión e I+D e a reserva da súa Propiedade Industrial.