O Clúster Alimentario de Galicia (Clusaga), en colaboración coa Cámara de Comercio de Santiago de Compostela e no marco do plan FOEXGA, promoveu a participación de 10 empresas asociadas na feira ANUGA FOODTEC 2022, celebrada na cidade de Colonia entre os días 26 e 29 de abril.
ANUGA FOODTEC é una feira de referencia a nivel mundial en tecnoloxía para o sector alimentario, onde aproximadamente 2.000 expositores e principais proveedores expoñen os seus avances nas temáticas de envasado, procesado de alimentos, seguridade alimentaria, dixitalización, medioambiente e enerxía, intraloxística e emprendemento.
Participación de empresas socias
Das 10 empresas que acudiron á feira da man de Clusaga, GALACTEUM, Gadisa, Innolact, Pescanova, Essence Food, SC Robotics e Granja Campomayor o fixeron en modalidade de misión tecnolóxica. Pola súa banda, as tres empresas restantes acudiron en modalidade de misión comercial, participando con stand no evento.
Deste xeito, COFRICO presentou o seu software GRADHOC para a eficiencia enerxética e mantemento de instalación frigoríficas; NORLEAN expuxo NOOA, a súaa solución de optimización da producción baseada en xemelgo dixital; e NIGAL presentou LIBATIO, un tapón intelixente para a monitorización e análise de viño en tempo real en barricas de madeira, no que traballa xunto a SC Robotics.
Xuntanza do consorcio do proxecto S3FOOD
Co gallo da feira, o proxecto europeo Smart sensor systems for food safety, quality control and resource efficiency in the food processing industry (S3FOOD), no que participa Clusaga, organizou de xeito presencial o 27 de abril en Colonia un Steering committee.
Como parte desta viaxe, o proxecto celebrou o día 28 o evento “SME Pitch and Connect” dirixido a pemes beneficiarias das axudas de S3FOOD, onde SC Robotics, empresa asociada ao Clúster que participa no proxecto, expuxo a súa solución para o sector alimentario LIBATIO.
