Clusaga recibe o premio Proxectos Agrupados Industria 4.0 para impulsar a transformación dixital no sector alimentario galego
O Clúster Alimentario de Galicia (Clusaga) recibiu o premio Proxectos Agrupados Industria 4.0 outorgados pola Xunta de Galicia, a través do Instituto Galego de Promoción Económica (Igape), unha distinción que permitirá impulsar a transformación e o avance cara á fábrica intelixente e conectada no sector alimentario galego.
Con esta iniciativa, Clusaga mobilizará máis de 630.000€ e coordinará un total de sete proxectos de transformación dixital nos que participarán as empresas Cofrico, Ecoplas Barbanza, Galega de Correctores Naya (SOGACO), Lugar Daveiga, Pazo de Valdomiño, Kiwi Atlántico e Viña Costeira.
Entre os proxectos que se desenvolverán destacan a optimización do proceso de maduración mediante control RFID, o uso de tecnoloxías 4.0 para a predición e monitorización de instalacións de frío e para o monitoreo sustentable e intelixente da planta de produción, o desenvolvemento de obradoiros intelixentes ou a posta en marcha dunha illa robotizada de paletizado.
Clusaga, galardoada por cuarto ano consecutivo
Por cuarto ano consecutivo, o Clúster Alimentario de Galicia foi galardoado con estes premios que se centran en impulsar o avance da industria alimentaria galega cara á fábrica do futuro, mellorando así a súa competitividade.
En total, Clusaga impulsou, ao longo deste catro edicións dos premios Proxectos Agrupados Industria 4.0, a transformación dixital en 15 pemes do sector cun investimento total de máis de 2 millóns de euros.
O desenvolvemento destas actuacións supón un impulso de proxectos piloto do novo modelo de produción industrial intelixente en Galicia, unha das das liñas de actuación do eixo dous do plan estratéxico de Clusaga.
