Culminan as xornadas formativas sobre a lexislación aplicable a envases alimentarios e implicacións na seguridade alimentaria
Durante o 29 de novembro e o 13 de decembro tiveron lugar as xornadas “Panorama da lexislación aplicable a envases alimentarios e implicacións na seguridade alimentaria” que a o Clúster Alimentario de Galicia (Clusaga) organizou en colaboración con Sigillum Knowledge Solutions.
Ambas as sesións permitiron aos asistentes coñecer a lexislación da UE, China e Estados Unidos aplicable á seguridade dos envases alimentarios e as súas implicacións na industria da alimentación. Ademais, puxeron en práctica o aprendido mediante exemplos e casos prácticos.
Marta Álvarez, responsable da área de produtos de consumo de Sigillum Knowledge Solutions e Seila Leiras, consultora senior de Sigillum Knowledge Solutions, foron as encargadas de impartir as dúas xornadas nas que se proporcionaron as ferramentas necesarias para verificar de forma eficaz e eficiente o cumprimento dos produtos de forma simultánea nos diferentes mercados e remarcouse a importancia de estar ben informados e asesorados desde o inicio para poder garantir esta conformidade.
