Co obxectivo de apoiar ás empresas galegas no desenvolvemento e implementación dun plan de internacionalización dixital, o Instituto Galego de Promoción Económica (Igape) convoca as axudas Galicia Exporta Dixital.
Que gastos cobre a axuda?
Poderán ser subvencionales os seguintes tipos de gastos:
A. Consultaría necesaria para a elaboración de:
a) Diagnóstico de potencial exportador dixital.
b) Plans de internacionalización dixital multicanle.
c) Plans de mercados electrónicos concretos.
d) Gastos de asesoría xurídica e legal para a internacionalización dixital.
B. Software de:
a) Solucións tecnolóxicas P.I.M. (Product Information Management).
b) Adquisición, programación a medida e integración de conectores entre plataformas e con sistemas de información (ERPs).
c) Solucións de analítica e visualización de datos.
d) Solucións de intelixencia automatizada.
e) Solucións de inbound marketing internacional.
C. Outros gastos de:
a) Creación e adaptación de tendas e catálogos online.
b) Campañas de posicionamento SEM.
c) Servizos de call center internacionais.
Quen pode solicitar a axuda?
Poderán ser beneficiarias destas axudas as empresas que cumpran os seguintes requisitos:
a) Ter algún centro de traballo radicado na Comunidade Autónoma de Galicia.
b) Estar dadas de alta en programas avanzados do Igape de apoio á internacionalización con informe positivo emitido a partir de 1 de xaneiro de 2013.
c) Estar ao día dos seus deberes coa Facenda Pública estatal, coa comunidade autónoma de Galicia e coa Seguridade Social.
Contía das axudas
Só poderase presentar e aprobar unha solicitude por empresa, cun gasto subvencionable mínimo igual ou superior a 25.000 euros e máximo de 125.000 euros por empresa.
A subvención será dun máximo do 80% dos gastos subvencionables, coa seguinte distinción dependendo do tipo de empresa solicitante:
a) Pemes: 80%
b) Empresas con ata 500 empregados: 70%
c) Empresas con máis de 500 empregados: 60%
Datas e procedemento de presentación de solicitudes
O prazo de presentación de solicitudes da primeira convocatoria finaliza o 24de marzo. Pola súa banda, a segunda convocatoria poderá ser solicitada do 25 de marzo ao 25 de maio.
Ditas solicitudes deben facerse a través da páxina web tramita do Igape.
