O período de presentación de candidaturas para a contratación de servizos técnicos de apoio finaliza o próximo 10 de xaneiro de 2023, ás 14 horas.

 No marco do convenio para o funcionamento dunha oficina técnica xestora dos proxectos integrados no programa Next Generation Galicia Food entre o Clúster Alimentario de Galicia (Clusaga) e o Instituto Galego de Promoción Económica (Igape), convócase a contratación de servizos técnicos de apoio para a anualidade 2023.

O obxecto de dito contrato é a prestación de servizos na oficina técnica para dar apoio á xestión de proxectos integrados no programa Next Generation dentro do sector alimentario, en particular na convocatoria do Proxecto Estratéxico para a Recuperación e Transformación Económica Agroalimentario (PERTE Agroalimentario). Ditos servizos materialízanse nas seguintes tarefas:

• Asistencia e soporte ás empresas e entidades na preparación, tramitación e presentación de propostas de proxectos de interese, en concorrencia ás correspondentes convocatorias e instrumentos de implementación do Plan de Recuperación, Transformación e Resiliencia, en particular na convocatoria do PERTE Agroalimentario.
• Apoio na tramitación técnica e administrativa das propostas presentadas definidas como estratéxicas para impulsar proxectos aliñados co Programa Next Generation Galicia Food.
• Seguimento e avaluación do programa, baseado nos proxectos desenvolvidos.

O prazo de presentación de candidaturas estará aberto entre o 2 e o 10 de xaneiro de 2023.

O obxectivo do programa Next Generation Galicia Food é transformar o tecido empresarial do sector mediante unha transición tecnolóxica, dixital e ecolóxica baseada na innovación e o desenvolvemento de procesos de fabricación e produtos saudables, innovadores e sustentables que redunde nunha industria xeradora de emprego de calidade, servindo de mecanismo de áncora duradeira no territorio.

Presentación de solicitudes

Máis información da convocatoria e dos pregos administrativos e técnicos da contratación en info@clusaga.org