Webinar “Dixitalización administrativa. Mellora de procesos e sustentabilidade na industria alimentaria”

O vindeiro 23 de marzo, ás 9.30 horas, o Clúster Alimentario de Galicia (Clusaga) organiza xunto ás súas empresas socias Docuten e Clun o webinar “Dixitalización administrativa. Mellora de procesos e sustentabilidade na industria alimentaria”, dirixido a empresas interesadas na dixitalización a través de tecnoloxías coma a firma dixital e a facturación electrónica.

A benvida ao evento, a cargo de Javier Osuna, responsable de innovación tecnolóxica de Clusaga, abordará a importancia da dixitalización no sector.

A continuación, Mónica Fustes, Marketing Manager da empresa tecnolóxica Docuten, falará sobre a xestión administrativa 4.0 no sector da alimentación, así coma sobre os beneficios asociados, e introducirá o Kit Dixital para autónomos e pemes.

Como exemplo de caso de éxito no emprego destas tecnoloxías, o webinar contará coa participación de Javier Cabana, director de TI en Clun, empresa que xa implantou a firma dixital e a facturación electrónica.

A sesión pecharase cunha rolda de preguntas e resolución de dúbidas. Os asistentes ao webinar poderán participar de forma activa no debate que se estableza.

A inscrición ao evento, que pecha o 22 de marzo ás 16.30 horas, está dispoñible no formulario que aparece a continuación. Para máis información, pode consultarse o programa do evento.