O proxecto HIGHFIVE “enHancing dIgital and Green growtH in the Food processing industry via Interregional innoVation invEstments” busca apoiar e facilitar a implementación de solucións dixitais en pemes de procesamento de alimentos, a través de investimentos interrexionais en innovación para acelerar a transición dual (dixital e verde) en Europa.
HIGHFIVE ten un orzamento de máis de 11 millóns de euros e conta co apoio do instrumento europeo Interregional Innovation Investments (I3), que ten como obxectivo promover a innovación a través da especialización intelixente e a colaboración interrexional.
Objetivos específicos de HIGHFIVE
Os obxectivos específicos de HIGHFIVE inclúen:
- Despregar unha carteira de proxectos de implementación impulsados pola industria que servirán como casos de demostración e proporcionarán valiosas leccións aprendidas tanto para os socios do clúster como para outras pemes.
- Aplicar un sistema de cheques, mediante fondos cascada, para financiar proxectos de investimento en innovación de pemes nas rexións participantes.
- Proporcionar accións de apoio individuais e colectivas personalizadas que lles permitan ás pemes superar os obstáculos relacionados coa aplicación de tecnoloxías dixitais innovadoras.
- Extraer os resultados e as leccións aprendidas ao longo das actividades do proxecto e valorizalos dentro da rede SS4AF e transferilos a outras partes interesadas europeas.
Socios do proxecto
O consorcio HIGHFIVE está coordinado polo clúster Flanders Food e inclúe máis de 20 socios, representando 39 rexións de 9 países europeos. Desde Galicia participan Clusaga e ITG.
Tanto as rexións máis desenvolvidas como as rexións en transición e en desenvolvemento beneficiaranse das accións e os resultados do proxecto. HIGHFIVE reforza a cooperación entre estas rexións e contribuirá a unha cadea de valor alimentaria europea máis forte e a un sector alimentario europeo máis dixital, sustentable e resiliente.
Todos os socios do proxecto son membros da Partnership Smart Sensors 4 Agrifood (SS4AF).
