O Cluster Alimentario de Galicia, co obxectivo de mellorar o posicionamento dos produtos alimentarios e viños de Galicia en mercados estratéxicos, promove a creación de plataformas de promoción conxunta en destino.
Nesta liña definiu como primeiro mercado no seu desenvolvemento internacional a China, o maior mercado de consumo alimentario mundial. En 2013 o clúster funda GLC Food & Drink China S.L. co apoio do IGAPE e a participación de empresas socias, que estableceu a unidade de negocio operativa en China: Shanghai Galicia Business Consulting Co Ltd, a plataforma de comunicación e cooperación entre as empresas galegas e institucións, distribuidores e consumidores chineses, cos obxectivos:
- Desenvolver a visibilidade dos produtos alimentarios e viños de Galicia no Clúster en China, posicionando a marca Galicia no mercado chinés, estendendo a súa rede de contactos con institucións e medios de comunicación locais e organizando a participación en diversas accións promocionais conxuntas.
- Analizar a información de intelixencia de negocio no mercado chinés para as empresas.
- Apoiar ás empresas no desenvolvemento e consolidación do mercado, incrementando a súa presenza e reactividade no mercado, a través do establecemento e extensión da rede de contactos comerciais.
