Webinar “Claim to Fame! How to make impactful marketing claims for your healthy food and drink products and stay within the law”
Os consumidores están cada vez máis interesados na información que aparece nas etiquetas dos alimentos. Tamén están cada vez máis interesados na súa alimentación, como se relaciona esta coa súa saúde, a composición dos alimentos que están seleccionando, así como o seu impacto no medio ambiente. Todo isto provocou unha proliferación do número e tipo de alegacións que aparecen nas etiquetas dos produtos alimentarios.
Este webinar organizado polo proxecto AHFES, liderado por Clusaga, centrarase no uso de alegacións nutricionais, de saúde e de sustentabilidade, e daranse recomendacións sobre como integralas en alimentos e bebidas saudables.
Para asistir a este evento online, que terá lugar o vindeiro 12 de maio ás 11.00, é necesario inscribirse previamente a través do enlace que aparece a continuación. O prazo de inscrición remata o 11 de maio ás 16.30 horas. A xornada será impartida en inglés, e a duración desta será dunha hora.
Sobre AHFES
“AHFES – A quadruple helix Atlantic Area healthy food ecosystem for growth of SMEs” é un proxecto europeo financiado polo programa Interreg Espazo Atlántico. AHFES ten como obxectivo mellorar a innovación, a competitividade e o crecemento das pemes de alimentos e bebidas saudables para aliñar os seus produtos coas necesidades e expectativas dos consumidores mediante servizos e formación.
