MEATwin (Desenvolvemento dun Xemelo Dixital baseado en IA de planificación da produción para o sector cárnico) é un proxecto estratéxico deseñado para promover a competitividade e a transición cara o liderado dixital no sector cárnico. Esta iniciativa baséase na investigación industrial en diferentes tecnoloxías de Intelixencia Artificial (IA), modelado e analítica de procesos e datos e visión hiperespectral, para a súa posterior integración nun xemelo dixital. Preténdese que este xemelo sirva como ferramenta de planificación da produción en empresas do sector cárnico.
O obxectivo do proxecto é, por primeira vez, integrar todas esas tecnoloxías nunha única ferramenta que supoña unha solución para facer un uso integrado delas. A gran aposta de MEATwin reside na implantación efectiva da ferramenta no sector tras o seu desenvolvemento. Así, grazas ao emprego dun xemelo dixital baseado en IA, conseguirase unha ferramenta transversal ao sector, que facilitará ás pemes o acceso a tecnoloxías dixitais de despregamento rápido e as dirixirá cara a máxima eficiencia dos seus procesos.
Deste modo, MEATwin aborda a necesidade do sector cárnico de mellorar a planificación e produción mediante a recollida de datos, sensorización e visualización de indicadores clave correlacionados nunha ferramenta única, de custo asumible para as pemes. E, en consecuencia, impulsará o sector ao permitir ás empresas tomar mellores e máis áxiles decisións nos seus procesos.
O consorcio do proxecto está conformado por catro empresas tecnolóxicas (Norlean, TripleAlpha, Kaizen Institute y RIA 21), dous centros tecnolóxicos (ANFACO-CECOPESCA y Fundación Centro Tecnolóxico da Carne) e unha empresa alimentaria do sector cárnico (Jamones González)
MEATwin recibe financiación da convocatoria 2023 do programa de apoio ás Agrupaciones Empresariales Innovadoras (AEI) do Ministerio de Industria, Comercio y Turismo e está coordinado polo Clúster Alimentario de Galicia (Clusaga).
